Пӧзiк сыйых алды

Культура. В.Г.Чаптыковтың адынаң Хакас филармониязының хоос устағҷызы Артур Марлужоков Юрий Левитанның адынаң Национальнай сыйыхнаң таныхтатты.

Чоох искусствозының пӧзiк сыйии 30 азыра номинациялығ марығның салтарлары хоостыра чыл сай пирiлче. Ол сiлiг чоохтанҷаң культураны паза илбек орыс тiлiн хайраллирына кӧстелче. Тиксi хазнаның чоох искусствозының иң артых ус­тары сыйыхтарын аларға Москвада чыылысханнар.

Хакасияның чон артизi, Алтай Респуб­ликаның саблығ артизi Артур Марлужоков «Социальнай роликтернi чахсы ӱннендiргенi» номинацияда премия алған. Аның пу чардыхтағы тоғызы пӧзiк узын паза социальнай нандырығны тирең оңарчатханын кӧзiтче.

Проект Президенттiң культура пас­тағ­лары чыын­дызы полызиинаң тоғынча. Анзы чоох ис­кусст­возы амғы тӧлнiң ара­зында улуғ кирексiнiснең тузаланчатха­нын таныхтапча.

Автор: Марина Грибкова